FIFA / Fananan’ny Fiangonana.
FITANTANANA FANANANA FJKM (FIFA)
Mitombo 300 isan-taona ny fananan’ny fiangonana
Notanterahana nanomboka ny Talata 07 Novambra 2017 teo ka naharitra roa andro tao amin’ny Foibe FJKM Analakely ny fampirantiana mahakasika ny fitantanana ny fananan’ny FJKM. Natao izany mba ho fampahafantarana ny vahoaka kristiana rehetra sy ny Fitandremana tsirairay ny hasarobidin’ny fananan’ny fiangonana sady ho fanentanana koa ny amin’izay tokony ho fomba fitantanana azy ireny.
Mitombo 300 isan-taona ny fananan’ny fiangonana amin’ny ankapobeny, hoy ny Mpitandrina RAKOTONDRABE Andrianaharijaona Ndrianja Talen’ny FIFA, ary ny 42% amin’ny tetibolan’ny FJKM ankehitriny dia azo avy amin’ny fampidiram-bolan’ny FIFA. Kendrena ny hitomboan’izany ho 70% amin’ny ho avy mba tsy hahavaky tratra ny fiangonana amin’ny fanefana adidy.
Mba hanatrarana io tanjona io dia hamafisina manomboka izao ny fanentanana amin’ny alalan’ny fitetezana Synodamparitany.
Atomboka amin’ity taona ity koa ny fisian’ny Alahadin’ny FIFA FJKM ho fitrotroana am-bavaka sy ho fanohanana azy amin’ny alalan’ny rakitra. Hisantarana azy ny Alahady 12 Novambra 2017 izao ny maraina any amin’ny isam-pitandremana, fa ny tolakandro amin’ny 3 ora kosa no hiombonan’ny fianakaviamben’ny FJKM manontolo ao amin’ny Fitandremana Ambatomena.
Niry RAKOTO