SP Antananarivo Atsimo / Fivoriambe I
FIVORIAMBE VOALOHANY 2018
Hotanterahina ny Sabotsy 07 Aprily 2018 ho avy izao ny Fivoriambe SP AA 11 voalohany amin’ity taona ity , izay hatao ao amin’ny FJKM Ankadimbahoaka .
Toy izao ny fandaharampotoana :
8.30 : Antsakira fiderana horedonin’ireo STK maromaro toy ny avy ao Soanierana , Ankadimbahoana , Morarano sns…
Izany dia elanelan’ny Fampianarana Soratra masina mahakasika « ny fitafiana mahamendrika ny maha- kristiana »
9.30 : Fanompoampivavahana araka ny Litorjy . Hisy ny fanolorana Takelam-pahatsiarovana ho an’ireo Fiangonana sy Mpitandrina manana fanamarihana vanimpotoana manokana amin’ity taona ity , izay efa hita rahateo ao amin’ny tetikandro SP .
–Fotoana hitondrantsika amam-bavaka ny Ray amandreny President Synodal , sy hitondrantsika ny fanomezana avy amin’ny isam-pitandremana ho fanohanantsika azy mianakavy – Hisy ny fiaraha- mandray ny fanasan’ny Tompo aorian’izany rehetra izany .
–Ny fiaraha-misakafo iombonana no hamaranana ny fotoana manontolo . Koa aza adinoina ny mitondra fitaovam-pihinanana sy ny vola fitondra amin’izany .Dia tongava maro , mifampilazà. Ento ambavaka ny fotoanantsika .Ho Voninahitr’ Andriamanitra irery ihany .
« Sambatra izay olona mihaino ahy ka miari-tory mandrakariva eo am-bavahadiko, ary miandry eo amin’ny tolambaravarako » Ohabolana 8.34