Hafatry ny Filoha /Jolay 2019.
VONTOSY FILAZANTSARA
NY NOSY MADAGASIKARA !
Fa na dia tena marina aza
Fa efa be ny asa vita,
Izay tena isaorana ny Tompo
Sy antsika rehetrarehetra
Nifarimbona, niasa
Tamim-pikelezana aina,
Tena mendri-piderana,
Fa tsy nahalala sasatra,
Fa namadika ny bainga,
Hisy vokatra tokoa,
-Eny, na dia marina aza
Fa efa be ny asa vita-
Dia tsy maintsy ambara tsotra
Fa mbola be dia be tokoa
Ny asa mbola miandry antsika.
Fa hoy ny Tompo:”be ny vokatra;
Fa ny mpiasa re no vitsy!”
Ary tena izay tokoa
No zava-misy iaraha-mahita.
Fa, na ny any ilavitra any,
Izay tsy mbola hita akory,
Tena any ankodahoda;
Na ny eto akaikintsika,
Ny manodidina eto aza,
Mbola tena asa be
Miandry antsika marimarina!
Koa tsy azontsika atao
Ny hihevitra sahady
Hiala sasatra, hiato.
Fa herezonao, ry Mpino:
VONTOSY FILAZANTSARA
NY NOSY MADAGASIKARA !
IRAKO AMMI