Hafatry ny Filoha III / Jolay 2017 .

Hafatry ny Filoha III / Jolay 2017 .

VONTOSY FILAZANTSARA

NY NOSY MADAGASIKARA

K’aza dia variana foana

Mihainohaino ny an’ny hafa,

na minia tsy hahalala

‘zao antso avo atao izao,

fa sahia manapa-kevitra

am’zay handray anjara.

 

Andao fa ny olona efa lasa

Nirotsaka nitety trano,

namakivaky lohasaha,

eny, nihanika ny havoana,

niampita rano be voay

mba hitory sy hanambara

ito Filazantsara !

 

Andao fa ny olona efa lasa,

ka miasa isam-bolana.

Ny fiangonana, ireo sampana,

Samy mihetsika, mandeha!

Ka ny akaiky, manodidina,

voatsiditsidika mazàna,

ny alavitra, tsy hadino

f’efa anaty tetikasa

sy tetibola maty paika.

 

Izany izao no ataon’ny olona:

tsy eritreritra sy hevitra,

f’efa tena asa atao.

Ianao koa, mba mitsangàna:

 

VONTOSY FILAZANTSARA

NY NOSY MADAGASIKARA !

 

Irako Andriamahazosoa Ammi , Mpitandrina

Filohan’ny FJKM