Mibebaha eo anatrehan’ny Tompo
Mofonaina anio: Alarobia, faha 14 Martsa 2018
Mibebaha eo anatrehan'ny Tompo
Joela 2.12-13
12 Koa na dia ankehitriny aza, hoy Jehovah, miverena amiko amin'ny fonareo rehetra ary amin'ny fifadian-kanina sy ny fitomaniana ary ny fitarainana. 13 Ary ny fonareo no triatriaro, fa aza ny fitafianareo, ary miverena amin'i Jehovah Andriamanitrareo; Fa mamindra fo sy miantra Izy, mahari-po sady be famindram-po ary manenina ny amin'ny loza,Mibebaha eo anatrehan’ny Tompo
Joela 2.12-13
Fanaon’ny Jiosy rehefa tonga ny loza ny mandriatra ny fitafiany sy misikina lamba fisaonana ho fanehoany ny alahelony toy ny fibebahany sy fitondrany ny fifonany eo amin’ Andriamanitra tahaka ny ataon’i Jakoba (Gen 37.34). Misy endrika telo fiverenana amin’ny Tompo amin’ny fo rehetra eto:
1-Mifady hanina:
Mamokàna fotoana hifantohana amin’ny maha -mpanompon’Andriamanitra . Fa zava-dehibe ny manokana fotoana hivavahana sy hanaovana fifadian-kanina raha hiatrika zava-tsarotra tahaka ny nataon’i Estera rehefa namonjy ny fireneny izy (Estera 4.16). Ny fifadiankanina nampianarin’i Jesoa ny mpianany dia fifadiana mialoha ny ady hatao amin’ny devoly .
2-Mitomany noho ny fahotana vita
Endrika fibebahana lalina ny ranomaso tahaka an’ilay vehivavy niankohoka teo an-tongotry ny Tompo sady nanosotra menaka manitra . Mandray ny famonjena satria tena mahatsapa ny fahotana vita na ny fahadisoana dia miverina amin’ny ranomaso .
3-Mitaraina noho ny antso vonjy
« mamindra fo aminay ry zanak’i Davida ô
Fanontaniana:
Birao Sekoly Alahady FOIBE FJKM