Manana mpiaro azo antoka isika.
Mofonaina anio: Asabotsy, faha 22 Aogositra 2020
Romana 8Â :31-39
1 [Ny famonjen'i Kristy ny mino Azy, izay miantomboka amin'izao fiainana izao ary mbola hotanterahina ho mandrakizay] Ary amin'izany dia tsy misy fanamelohana ho an'izay ao amin'i Kristy Jesosy.Manana mpiaro azo antoka isika.
1 – Ho sasa-poana ny mpiampanga sy ny mpanameloka
“Iza no hiampanga ? Iza no manameloka ? Efa fantatsika fa ny devoly dia mpandainga sy rain’ny lainga (Jao. 8:44), ka tsy mitsahatra mitady ny irika rehetra hiampangana sy hanamelohana ny olom-boafidin’ny Tompo. Soa fa eo Jesoa Tompo, fa Izy no manamarina, Izy no mifona ho antsika. Tandremo anefa sao hanararaotra izany fanamarinana sy fifonana ary fiarovan’ny Tompo antsika izany. Ny fanetren-tena sy ny fanoloran-tenantsika no andrasana. Tsarovy ilay voasoratra hoe : “Fa aoka tsy hisy aminareo hijaly satria mpamono olona, na mpangalatra, na mpanao ratsy, na mpiraharaha ny an’olona. Fa raha misy mijaly satria Kristiana, dia aoka tsy ho menatra izy ; fa aoka hankalaza an’Andriamanitra amin’izany anarana izany izy.” (I Pet. 4:15-16)
2 – Ho sasa-poana izay te hanasaraka
Na inona na inona, dia tsy hisy hahasaraka antsika amin’ny fitiavan’Andriamanitra, izay ao amin’ny Kristy Jesoa Tompontsika (and. 39). Maro ireo toe-javatra izay mifamahofaho eo amin’ny fiainantsika ka te hisarika antsika hanapa-kevitra hihataka na hisaraka amin’ i Jesoa sy ny fitiavany. Ny mpino manana finoana mafy orina dia manoatra noho ny mpandresy hatrany (Rom. 8:37).
Fanontaniana :
Inona avy ireo endrika fiampangana sy fanenjehana ary fanakiviana izay efa tsy maharototra ny mpino intsony ?