laino ny toe-panahy araka an’Andriamanitra
Mofonaina anio: Alatsinainy, faha 11 Novambra 2024
Deoteronomia 4.5-8
Deoteronomia 4.5-8
5 Indro, efa nampianariko didy sy fitsipika ianareo, araka izay nandidian'i Jehovah Andriamanitro ahy, mba harahinareo any amin'ny tany izay efa hidiranareo holovana. 6 Koa tandremo ary ataovy izany, fa izany no ho fahendrenareo sy ho fanananareo saina eny imason'ny firenen-tsamy hafa; fa handre izany lalàna rehetra izany izy ka hanao hoe: Olona hendry sy manan-tsaina tokoa io firenena io 7 Fa iza no firenena, na dia lehibe aza, no mba manana andriamanitra akaiky azy tahaka an'i Jehovah Andriamanitra amin'izay rehetra iantsoantsika Azy? 8 Ary iza no firenena, na dia lehibe aza, no mba manana didy sy fitsipika marina tahaka izao lalàna rehetra izao, izay ataoko eo anatrehanareo anio?laino ny toe-panahy araka an’Andriamanitra
1. Dia hiavaka ianao (and,5-6)
Napetrak’Andriamanitra sy natolony ho an’ny olony tamin’ny alalan’i Mosesy ny didy sy fitsipika mba họ tandremany. Toa izany koa ho antsika ankehitriny: natolotra ho antsika tamin’ny alalan’ny mpanompony ny Teniny izay mirakitra ny didy sy ny fitsipiny mba iavahantsika mihoatra noho ny hafa. Fahendrena sy fahiratan-tsaina no ho tonga sy hananan’izay mitandrina ny didy sy fitsipiny. (ohatra Josefa ilay namidin’ny rahalahiny, Solomona Mpanjaka). Fa isika ihany koa dia tian’Andriamanitra hiavaka noho ny fahendrena sy fahiratan-tsaina ka asainy mitandrina ny didy sy fitsipiny.
2. Dia tonga ho taratry ny fahalebiazany ianao (and.7-8)
Andriamanitra miavaka Izy ary tsy misy toa Azy. Isika mivavaka Aminy ihany no manana Andriamanitra akaiky (teny hebreo qarowizay midika hoe akaiky na fotoana na toerana na fifandraisana), Andriamanitra miara-monina. Tokony ho hita taratra eo amin’ny fianantsika ny fananatsika Azy ka ahitan’ny olona tokoa ny fikarakarany antsika. «Izao no lazain’i Jehovah, Tompon’ny maro: Amin’izany andro izany dia hisy folo lahy avy amin’ny firenena samy hafa fiteny rehetra hihazona ny sisin-damban’ny Jiosy anankiray ka hanao hoe: Mba handeha hiaraka aminareo izahay; fa efa renay fa momba anareo Andriamanitra. » (Zak 8.23)
Fanontaniana:
Inona avy ireo zavatra miavaka efa nataon’ny Tompo taminao?
Sampana Sekoly Alahady Foibe