Aza menatra ny ho vavolombelon’ny Tompo
Mofonaina anio: Asabotsy, faha 23 Septambra 2017
Aza menatra ny ho vavolombelon'ny Tompo
1 Petera 4.1-6
1 Koa satria niaritra tamin'ny nofo Kristy, dia alao mba ho fiadianareo izany saina izany; fa izay niaritra tamin'ny nofo dia efa afaka* tamin'ny ny ota; [* Gr.nampitsaharina] 2 mba tsy handanianareo ny andro sisa iainanareo amin'ny nofo araka ny filan'ny olona intsony, fa araka ny sitrapon'Andriamanitra. 3 Fa ampy izay ny andro lasa ho nanaovana ny fanaon'ny jentilisa tamin'ny nandehanana tamin'ny fijejojejoana sy ny fanirian-dratsy sy ny fimamoana sy ny filalaovan-dratsy sy ny fisotroan-toaka ary ny fanompoan-tsampy izay fady indrindra; 4 ary amin'izany dia gaga izy ireo, satria tsy miara-mihazakazaka aminy ianareo amin'izany fanaranam-po amin'ny ratsy izany, ka dia teneniny ratsy; 5 nefa hampamoahin'ilay efa vonona hitsara ny velona sy ny maty 6 Fa noho izany no nitoriana ny filazantsara tamin'izay maty aza; mba hotsaraina araka ny olona amin'ny nofo izy fa ho velona araka an'Andriamanitra amin'ny fanahy.Aza menatra ny ho vavolombelon’ny Tompo
1 Petera 4.1-6
Mpino mahajoro ho vavolombelon’ny Tompo
1-Mandray an’i Kristy ho fianarana
Ambaran’i Petera fa ny kristiana dia tokony hanao an’i Jesoa Kristy ho fianarana eo amin’ny fiainana andavanandro. Ny fijaliana sy ny fahorian’i Jesoa Kristy no fianarana tokony harahina . Nampijaliana , nampahoriana ny Tompo , voahombo teo amin’ny hazo fijaliana Izy . Naharihariny anefa fa nandresy Izy . Koa izay manaiky hanaraka Azy , hianatra ny fiainany na dia mandalo fijaliana sy fahoriana aza dia tsy ho resy fa ho mpandresy hatrany . Mianara an’i Kristy dia ho mpandresy mandrakariva ianao .
2-Mahatsiaro fa mbola hotsaraina
Mitia sy manompo an’i Jesoa Kristy noho ny famonjena vitany ny mpino . Miomana ihany koa anefa hiatrika ny fitsarana . Izany indrindra no ampirisihana antsika mba handeha mendrika ny maha- kristiana , miaina amin’ny sitrapon’ Andriamanitra . Noho izany , tsy izay mahafalifaly ny fontsika no atao fa izay mahafaly ilay Andriamanitra mbola hitsara ny ataontsika rehetra . Aza manaraka ny fiainan’izao tontolo izao , fa mandehana araka ny sitrapon’ Andriamanitra . Hotsaraina araka ny ataontsika isika ka mijoroa ho tena zanak’ Andriamanitra .
Fanontaniana:
Birao Sekoly Alahady FOIBE FJKM