Alatsinainy 30 Martsa 2020
Mofonaina anio: Alatsinainy, faha 30 Martsa 2020
Asan'ny Apostoly 15,13 - 21
13 Ary rehefa nitsahatra tsy niteny izy roa lahy, dia namaly Jakoba ka nanao hoe: Ry rahalahy, mihainoa ahy: 14 Simeona efa nanambara izay nitsinjovan'Andriamanitra ny jentilisa tamin'ny voalohany hanalany olona aminy hankalazana ny anarany. 15 Ary mifanaraka amin'izany ny tenin'ny mpaminany, araka ny voasoratra hoe: 16 Rehefa afaka izany, dia hiverina Aho Ka hanangana ny trano-lain'i Davida izay efa nianjera; Ary hanangana izay efa rava ao Aho Ka hanamboatra azy indray; 17 Mba hitady ny Tompo ny olona sisa sy ny jentilisa rehetra, Izay efa niantsoana ny anarako, hoy Jehovah, 18 Izay manao izany zavatra fantatra hatramin'ny voalohany indrindra izany (Amo. 9. 11, 12). 19 Koa dia izao no hevitro: Tsy mety raha isika manome fahasahiranana ny avy amin'ny jentilisa izay miverina ho amin'Andriamanitra; 20 fa aoka hanoratra epistily aminy isika mba hifadiany ny hena fahavetavetana aterina amin'ny sampy sy ny fijangajangana ary ny zavatra kendaina sy ny rà. 21 Fa hatramin'ny razana fahiny dia manana izay mitory azy ao amin'ny isan-tanàna Mosesy, fa vakina ao amin'ny synagoga rehetra isan-tSabata ny teniny.1-Ho an’ny rehetra ny fiverenana amin’
Andriamanitra
Misy faniriana
avy amin’ny firenena hafa eto mba ho
isan’ny fiangonan’ Andriamanitra , satria efa mino sy mandray ny fampianaran’ny Filazantsara.Toa
hasarotin’ny sasany anefa izany fidirana ho isan’ny fiangonana izany
satria terena hoforana izy
ireo ary tsy maintsy manaraka ny lalàn’I Mosesy ara-bakiteny koa (and5)
.Raha tsy izany dia tsy azo ekena , hoy izy ireo .Tsy mitovy
hevitra anefa ny rehetra
, satria tsy tokony hohasarotina ny fidirana
ho isan’ny fiangonana (and19). Tsy
manavaka izay tena mitady Azy mantsy
Andriamanitra ary miandry sy mandray
ny olona rehetra te-hiverina
Aminy indrindra koa .
2-Tsara ny hanoratana
Epistily ho amin’izany
Eo amin’ny and 20 dia misy filazana hoe: “aoka hanoratra Epistily aminy isika”.Taratasy nosoratan’olona ho amin’olon-kafa no hevitry ny hoe: Epistily ,ary tonga nilazana ireo taratasy nosoratan’ny Apostoly ho an’ny fiangonana nampianariny na ho an’ny mpianany tsirairay izany .Maro ny tombotsoa raketin’nyEpistily :
-azo ambara ao avokoa ny zavatra tiana hampitaina rehetra ( eto izao dia misy hoe: filazana ny fifadiana , sehatry ny fanompoantsampy sy ny fijangajangana rehetra.
-tsy voatery hifamotoana mandrakariva
Ny mpampianatra sy
ny mpianatra nefa azo
ampiasaina amin’ny fotoana rehetra ny Epistily mba handinihan-tena ka hiverenana amin’ny Tompo
.
Zava-dehibe ilay hoe : ny soratra mitoetra fa ny teny manidina .
Fanontaniana:
Olona voatokana ihany ve no antsoina hiverina amin’ny Tompo ?
Sampana Sekoly Alahady FOIBE FJKM