Kristiana velona amin’ny onony, velona amin’ny marina ary velona amin’ny toe-panahy araka an’Andriamanitra

Sal 103. 1-5 / Hira 206: 1 / Vavaka / Mofonaina / Vavaka / Hira 432: 1

Titosy 2. 11-15

Ny mofonaina anio, dia mampianatra toy izao: eo am-piandrasana an’i Jesoa Kristy, ny Kristiana dia taomina ho:

1. Velona amin’ny onony (and 12a)

« Mampianatra antsika handà izay to-panahy tsy araka an’Andriamanitra sy ny filan’izao tontolo izao ary ho velona amin’ny onony… ». Ny dikan’ny hoe » velona amin’ny onony » dia hoe hahafchy tena sy hanana fanetren-tena ka tsy ho latsaka amin’ny fanarahan-davahana fotsiny ny fiainana feno filibana sy rendrarendra ataon’ny fiaraha-monina (ny tao Kreto mantsy dia be filibana ny fiaraha-monina). Mampahomby ny fitoriana ny Filazantsara izany, satria tsy teny fotsiny, fa fiainana azo alain-tahaka.

2. Velona amin’ny marina (and 12b)

« …ary ho velona amin’ny onony sy ny marina ». Ny hevitry ny hoe << marina >> eto dia ilazana ny fahaiza-miara-monina amin’ny hafa am-pitiavana sy fifanajana, tsy manavaka na iza na iza; fa tia sady mihevitra izay hahasoa ny mpiara-belona. Moa va tsy tahaka izay nataon’i Jesoa mihitsy, ary miara-dalana amin’izany ny fankatoavana ny didin’Andriamanitra!

3. Velona amin’ny toe-panahy araka an’Andriamanitra (and 12d)

« …Ho velona amin’ny onony sy ny marina ary ny ta-panahy araka an’Andriamanitra amin’izao fiainana ankehitriny izao ». Toc-panahy ateraky ny fahatsapana ny hasarobidin’ny fahasoavan Andriamanitra, ka iainana mifanaraka amin’ny tena fiainana Kristiana: fianam-pitiavana, fiainam-pankatoavana, fiainana hanoherana fakam-panahy, fiainana tsara fifandraisana amin’Andriamanitra amin’ny fotoana rehetra.

Fanontaniana

Ahoana ny hahazoana mampihatra ireo voalaza ireo?

Sampana Sekoly Alahady Foibe