Hafatry ny Filoha/Mar. 2020.

Hafatry ny Filoha/Mar. 2020.

VONTOSY FILAZANTSARA

NY NOSY MADAGASIKARA !

Ka isika rehetra izao

No antsoina mba hibebaka

Amin’ny ratsy izay fanao,

Ka tsy hisy hifanebaka

Ary hifampitsaratsara

Fa samy hahay mandini-tena,

Eny, handini-tena tsara

Ka hanao ny fiaikena

Ny amin’ny ratsy izay natao

Izay nanimba na ny tena,

ny ao an-tokantrano ao,

Na ny fiainam-pirenena.

Eny, isika rehetra izao

No tena hanaiky fibebahana,

Dia fibebahana hanavao

Ny fiainam-pivavahana

Mba tsy hatao fisehosehoana

Fa tena hiainana ao am-po

Izay ambara fa inoana,

hisy vokany tokoa

Am’izay atao rehetra.

Ka ‘zay milaza fa mpivavaka

Dia ho hita tsara toetra

Tena hitanao miavaka.

Izay no tena fibebahana

Irariana hanjaka etoana

Dia famelana hahazo vahana

Ny tena asan’ny finoana!

VONTOSY FILAZANTSARA

NY NOSY MADAGASIKARA !

IRAKO AMMI