Ny herin’ny fitsanganan’ny maty
Mofonaina anio: Zoma, faha 07 Aprily 2023
APOKALYPSY 7.9-12
APOKALYPSY 7.9-12
9 Rehefa afaka izany dia hitako fa, indreo, nisy olona betsaka tsy tambo isaina avy tamin'ny firenena rehetra sy ny fokom-pirenena sy ny olona ary ny samy hafa fiteny nitsangana teo anoloan'ny seza fiandrianana sy teo anatrehan'ny Zanak'ondry, niakanjo akanjo fotsy lava sady nitana sampan-drofia teny an-tànany, 10 dia niantso tamin'ny feo mahery izy nanao hoe: Ny famonjena anie ho an'Andriamanitsika, Izay mipetraka eo ambonin'ny seza fiandrianana, sy ho an'ny Zanak'ondry. 11 Ary ny anjely rehetra nitsangana manodidina ny seza fiandrianana mbamin'ny loholona* sy ny zava-manan'aina efatra, dia niankohoka teo anoloan'ny seza fiandrianana izy ka nivavaka tamin'Andriamanitra [* Gr. presbytera] 12 nanao hoe: Amena! Ny saotra sy ny voninahitra sy ny fahendrena sy ny fisaorana sy ny haja sy ny hery ary ny faherezana anie Ho an'Andriamanitsika mandrakizay mandrakizay. Amena.Ny herin’ny fitsanganan’ny maty
1-Andraisam-pamonjena
i Jaona dia maneho an-tsary ny vahoaka maro avy amin’ny fokom-pirenena samihafa fiteny ,mitafy akanjo fotsy amin’ny finoana an’i Jesoa . Hiaraka amin’Andriamanitra izy ireo ary tsy handre fanaintainana na alahelo intsony . Ny and 16-17 dia milaza fa tsy ho noana na hangetaheta intsony ireo , izay tsy haninona azy akory ny masoandro na izay hafanana .Fa ny zanakondry izay eo afovoan’ny seza fiandrianana no ho mpiandry azy ka hitondra azy ho amin’ny loharanon’ny ranonaina , ary hofafan’Andriamanitra ny ranomaso rehetra amin’ny masony. Andraisam-pamonjena ho an’ny mino ny herin’ny fitsanganan’ny Tompo ho an’ireo olona masina niaina tao amin’ny fahoriana.
2-Manome Voninahitra an’Andriamanitra
Izay miakanjo fotsy lava noho ny famonjena azony dia afaka nanome voninahitra an’Andriamanitra , izay nasehony tamin’ny alalan’ny sampandrofia teny an-tànany .Toa mampahatsiahy antsika an’i Jesoa niakatra amim-boninahitra ho ao Jerosalema izay nankalazain’ny vahoaka hoe : « Hosana ho an’ny Zanak’i Davida .Isaorana anie ny avy amin’ny Anaran’i Jehovah « izany ,araka ny voalaza ao amin’ny Matio 21.5-8. Tondroin’ny anjely ho toy ireo nivoaka avy amin’ny fahoriana lehibe , ka manome voninahitra an’Andriamanitra .Izao andro fankalazana ny Paska izao dia androm-pamonena ho anao .Omeo voninahitra ny Tomponao .
Fanontaniana:
Nandresy ny fahafatesana ny Tompo .manao ahoana ny fanomezanao voninahitra Azy ?
Sampana Sekoly Alahady FOIBE FJKM