Fahateraham-baovao
Mofonaina anio: Alatsinainy, faha 27 Septambra 2021
JAONA 3.1-8
JAONA 3.1-8
1 Ary nisy Fariseo anankiray atao hoe Nikodemosy, mpanapaka tamin'ny Jiosy. 2 Izy nankao amin'i Jesosy nony alina ka nanao taminy hoe: Raby Ă´, fantatray fa mpampianatra avy amin'Andriamanitra Hianao; fa tsy misy olona mahay manao izao famantarana ataonao izao, raha tsy Andriamanitra no momba azy. 3 Jesosy namaly ka nanao taminy hoe: Lazaiko aminao marina dia marina tokoa: Raha tsy ateraka indray* ny olona, dia tsy mahazo mahita ny fanjakan'Andriamanitra. [*Na: ateraka avy ambony] 4 Hoy Nikodemosy taminy: Hataon'ny olona ahoana no hateraka rehefa lehibe; moa mahazo miditra any an-kibon-dreniny indray va izy ka hateraka? 5 Jesosy namaly hoe: Lazaiko aminao marina dia marina tokoa: Raha misy olona tsy ateraky ny rano sy ny Fanahy, dia tsy mahazo miditra amin'ny fanjakan'Andriamanitra izy. 6 Izay ateraky ny nofo dia nofo; ary izay ateraky ny Fanahy dia fanahy. 7 aza gaga noho ny nilazako taminao hoe: Tsy maintsy hateraka indray* ianareo. [*Na: hateraka avy any ambony] 8 Ny rivotra mitsoka amin'izay tiany, ary renao ny feony, nefa tsy fantatrao izay ihaviany na izay alehany, dia tahaka izany izay rehetra ateraky ny Fanahy.Fahateraham-baovao
1-Fanasana ny loton’ny nofo
i Nikodemosy dia anisan’ny Fariseo mpikambana tĂ©o amin’ny Synedriona.NahatĂ lanjona azy ny maha-mpampianatra avy amin’ Andriamanitra an’i Jesoa,ka nahatonga azy hidera Azy. Nilaza taminy ny amin’ny fahateraham- baovao i Jesoa ka nahatonga azy hanontany ny maha- mety Izany. Ny fahaterahana tian’i Jesoa ambara dia fanasana ny loton’ny nofo,izay batisa Ă min’ny rano notanterahan’i Jaona .Izay no nahatonga Azy hilaza fa »Raha misy olona tsy ateraky ny rano dia tsy mahazo miditra amin’ny fanjĂ kan’ Andriamanitra » .Ny fahotana no antony tsy maintsy hanadiovana n’y olona hahafahany mahita ny fanjakan’Andriamanitra
2-Fandraisana ny FanĂ hy Masina
Nambaran’i Jesoa mazava tsara fa tsy mahazo miditra amin’ny fanjakan’Andriamanitra mihitsy ny olona raha tsy ateraky ny rano sy ny Fanahy. Ny batisan’ i Jesoa Kristy dia batisa Ă min’ny FanĂ hy Masina ,araka ny voalazan’ ny Soratra Masina hoe : » Izay tarihan’ ny Fanahin’ Andriamanitra no zanak’Andriamanitra » . Ny batisan’ i Jesoa Kristy dia mitarika ny mpino ho amin’ny fihavaozam-piainana,fandraisana hery ho tonga mpiombona amin’ Andriamanitra. Ny FanĂ hy Masina no mitarika ny olona tsy hiverina ho amin’ny fahotana intsony ,fa mitarika azy hanana fifamatoram-piainana amin’ Andriamanitra .Oharin’i Jesoa ho toy ny rivotra ny fahateraham- baovao, ny rivotra dia re feo ary hita maso ny vokatra aterany,fa tsy fantĂ tra kosa izay fiaviany. Araka izany, Andriamanitra mihitsy no mitondra ny fahaterahĂ m- baovao amin’ny fomba Izay tsy takatry ny saintsika.
Fanontaniana :
Manao ahoana ny fanomananao ny mandrakizainao ?
Sampana Sekoly Alahady Foibe FJKM