Mpitsara marina Andriamanitra ka :
Mofonaina anio: Asabotsy, faha 16 Janoary 2021
SALAMO 9.1-10
SALAMO 9.1-10
1 [Salamo abidy. Fiderana an'Andriamanitra, Mpitsara marina, sy fahatokiana Azy] Ho an'ny mpiventy hira, Almoth-laben. Salamo nataon'i Davida. Hidera an'i Jehovah amin'ny foko rehetra aho; hanambara ny fahagaganao rehetra aho. 2 Ho faly sy ho ravoravo aminao aho; hankalaza ny anaranao aho ry Avo Indrindra Ă´, 3 Satria lasa nihodina ny fahavaloko, nirepirepy izy ka ringana tsy ho eo anatrehanao. 4 Fa efa nitsara ahy Hianao ka nanome ahy ny rariny; mipetraka eo amin'ny seza fitsaranao Hianao ho Mpitsara marina. 5 Efa nanarinao mafy ny jentilisa, efa naringanao ny ratsy fanahy, ny anarany efa nokosehinao ho faty mandrakizay doria. 6 Ny amin'ny fahavalo, dia tanteraka ho mandrakizay ny fandravĂ na azy*; ary izay tanĂ na efa noravanao, dia very na dia ny fahatsiarovana azy aza.[Na: Ry fahavalo tanteraka ho mandrakizay ny fandravana] 7 Kanefa Jehovah mitoetra mandrakizay, efa nametraka ny sezany hitsarany Izy, 8 Ary Izy hitsara izao tontolo izao amin'ny fahamarinana, eny hitsara ny firenena amin'ny fahitsiana Izy. 9 Ka dia Jehovah no ho fiarovana avo ho an'ny mahantra, ho fiarovana avo amin'ny andro fahoriana Izy. 10 Ary hatoky Anao izay mahalala ny anaranao; fa tsy foinao izay mitady Anao, Jehovah Ă´.Mpitsara marina Andriamanitra ka :
1-Mendrika hoderaina (and-4)
Araka ny efa voambara teo dia tena mbola ao anatin’ny ady sarotra ny mpanao salamo eto , kanefa efa manandratra fiderana an’ Andriamanitra sahady izy . Ny antony dia satria fantany tamin’ny traikefany niaraka tamin’ Andriamanitra fa miandany amin’ny olony Andriamanitra . Izany fahazoana antoka ny fidiran’ Andriamanitra an-tsehatra . Izany no mahatonga ny finoany hiorina tsara , toy ny hoe : efa azony sahady ny fandresena . Ianao koa , aza variana mitanondrika eo anoloan’ny adinao fa asandrato ny fiderana .
2-Manafay ny ratsy fanahy (and 5,6)
Mihasinkasina eto koa fa tsy avelan’Andriamanitra hiala maina ny ratsy fanahy . « Efa nanarinao mafy ny Jentilisa , efa naringanao ny ratsy fanahy , ny anarany efa nokosehinao ho faty mandrakizay doria« , hoy ny mpanao salamo . Saro-piaro amin’ny olony Andriamanitra ka tsy mamela azy ho viravirain’ny fahavalony , fa miasa Izy ( matoanteny maneho hetsika , ary Andriamanitra no mpanao) hanome rariny ny olony . Mampahatsiaro ny tantaran’i Mordekay sy Hamana izany (Est 6.13) . Fa hoy koa i Jesoa hoe :
3-Fiarovana azo antoka Izy (and7-10)
Ambara mazava eto hoe : « Ka dia Jehovah no ho fiarovana avo ho an’ny mahantra , ho fiarovana avo amin’ny andro fahoriana Izy » . Ny dikan’ny hoe : fiarovana avo dia hoe : toerana azo ialokalofana , ary tsy tratran’ny fahavalo , izany hoe: toerana ahitana fitsaharana na dia ao anaty ady tanteraka aza , mandry fahalemana izay eo aminy . Moa ve tsy izany no antso nataon’i Jesoa ho an’ izay miasa fatratra ka hilazany ny fahavononany hanome fitsaharana (Mat 11.28).
Fanontaniana :
Mitondra inona ho anao ny fahalalana ny maha- mpitsara marina an’Andriamanitra ?
Sampana Sekoly Alahady FOIBE FJKM