Aina no fetra…
Mofonaina anio: Alarobia, faha 26 Aogositra 2020
1MPANJAKA 19.1-10
1MPANJAKA 19.1-10
1 [Ny nandosiran'i Elia nankany an-efitra, sy ny nisehoan'Andriamanitra taminy tao Horeba, ary ny nanendrena an'i Elisa handimby azy] Dia nolazain'i Ahaba tamin'i Jezebela izay rehetra nataon'i Elia, dia ny namonoany ny mpaminany rehetra tamin'ny sabatra. 2 Ary Jezebela naniraka olona tany amin'i Elia hanao hoe: Hataon'ireo andriamanitra amiko anie izany, eny, mihoatra noho izany aza, raha tsy hataoko toy ny ain'ny anankiray amin'ireny ny ainao raha maraina toy izao. 3 Ary raha nahita izany izy, dia niainga ka lasa nandeha hamonjy ny ainy dia nankany Beri-sheba, izay any Joda, ary ny zatovo najanony tao. 4 Fa izy kosa nandeha lalana indray andro tany an-efitra, ary tonga ka nipetraka teo ambanin'ny anjavidy* anankiray; dia nangataka ho faty izy ka nanao hoe: Aoka izay! alao ny aiko ankehitriny, Jehovah Ă´. fa tsy tsara noho ny razako aho.[Heb. rotema; zava-maniry mifanahatahaka amin'ny kifafam-bohitra] 5 Ary raha nandry natory teo ambanin'ny anjavidy* anankiray izy, indro, nisy anjely nanohina azy ka nanao taminy hoe. Miarena, ka homĂ na. [Heb. rotema; zava-maniry mifanahatahaka amin'ny kifafam-bohitra] 6 Dia nijery izy, ka, indro, teo anilan'ny lohany nisy mofo voaendy tamin'ny vato mahamay sy rano iray tavoara; ary nihinana sy nisotro izy, dia nandry indray. 7 Ary avy fanindroany indray Ilay Anjelin'i Jehovah, dia nanohina azy ka nanao hoe: Mitohaza, ka homĂ na, fa lavitra loatra ny halehanao. 8 Dia nifoha izy ka nihinana sy nisotro; ary nandeha tamin'ny tanjaka azony tamin'izany hanina izany efa-polo andro efa-polo alina izy ho any Horeba, tendrombohitr'Andriamanitra. 9 Ary niditra tao anatin'ny zohy izy ka nitoetra tao. Ary, indro, tonga taminy ny tenin'i Jehovah nanao hoe: Manao inona at? ianao, ry Elia? 10 Dia hoy izy: Nafana dia nafana ny foko noho ny fitiavako an'i Jehovah, Andriamanitry ny maro; fa ny Zanak'Isiraely nahafoy ny fanekenao; ny alitaranao noravany, ny mpaminaninao novonoiny tamin'ny sabatra, ary izaho dia izaho irery ihany no sisa, nefa mbola mitady hahafaty ny aiko koa izy.Aina no fetra…
1-Handresena ny hakiviana
Nahazo fandrahonana ho faty avy amin’i Jezebela i Elia . Ny hamongotra tanteraka ny mpaminan’i Jehovah mihitsy no katsahin’ny fahavalo . Indrisy fa na dia i Elia aza dia nandalo hakiviana ihany . Tsy maintsy resena ny hakiviana . Tsarovy fa raha mbola eto amin’ity tany fandalovana ity isika dia hisy hatrany ireo zava-tsarotra hosedraina , saingy eo hatrany ny Tompontsika .
2-Hanovozana hery hatrany
Avy fanindroany indray ilay anjelin’i Jehovah , dia nanohina azy ka nanao hoe: « Mifohaza , ka homana , fa lavitra loatra ny halehanao » (and 5-7) . Fantatry ny Tompo fa reraka i Elia , ary mbola lavitra ny lĂ lana alehany . Mila vatsy izy ka nanomana mofo sy rano ho an’i Elia ny Tompo . Tsy maintsy manovo hery isika , eo ny sakafom-panahy fa eo koa ny sakafo andavanandro . Tempolin’ Andriamanitra isika ka ilĂ na ny mikolokolo azy amin’ny alalan’ny sakafo , rano ary ny fanomanana ny angovo ilaina hiatrehana ny fanompoana . Ambonin’izany rehetra izany ny fiainana ny Tenin’Andriamanitra .
3-Hanaovana tatitra ara-potoana amin’ny Tompo
Nanao tatitra tamin’i Jehovah i Elia . Nambarany ny fitiavany ny Tompo , ny fiodinana afitsoky ny zanak’Israely , ny alahelony noho ny alitaran’i Jehovah izay norarany , ary ny famonoana ny mpaminany . Nihaino azy ny Tompo ary nanome toromarika mazava .
Fanontaniana :
Inona avy no tokony hatao raha tiana ny hiroso lalina amin’ny fanompoana ?
Sampana Sekoly Alahady FOIBE FJKM