Ny Hafatry ny Filazantsara
Mofonaina anio: Asabotsy, faha 18 Aprily 2020
1 KORINTIANA 15.1-11
1 KORINTIANA 15.1-11
1 [Ny amin'ny fitsanganan'ny maty] Ary ampahafantariko anareo, ry rahalahy, ny filazantsara izay notoriko taminareo sy noraisinareo sady iorenanareo, 2 izay amonjena anareo koa, raha tananareo tsara araka izay teny notoriko taminareo, raha tsy nino foana ianareo. 3 Fa natolotro anareo ho isan'ny zavatra voalohany indrindra ilay noraisiko, dia izao: Kristy maty noho ny fahotantsika araka ny Soratra Masina, 4 dia nalevina, ary natsangana tamin'ny andro fahatelo araka ny Soratra Masina; 5 ary niseho tamin'i Kefasy Izy, dia vao tamin'ny roa ambin'ny folo lahy koa. 6 Rehefa afaka izany, dia niseho tamin'ny rahalahy tsy omby dimam-jato Izy, ny ankamaroan'ireny dia mbola velona mandraka ankehitriny, fa ny sasany efa nodi-mandry. 7 Rehefa afaka izany, dia niseho tamin'i Jakoba Izy, dia tamin'ny Apostoly rehetra. 8 Ary faran'izy rehetra, izaho, izay toy ny tsy tonga volana aza, dia mba nisehoany koa. 9 Fa izaho dia ambany indrindra amin'ny Apostoly ka tsy miendrika hatao hoe Apostoly, satria efa nanenjika ny fiangonan*'Andriamanitra aho. [* Gr. eklesia] 10 Fa ny fahasoavan'Andriamanitra no nahatoy izao ahy; ary tsy foana ny fahasoavany ato amiko; fa efa niasa fatratra mihoatra noho izy rehetra aho, nefa tsy izaho, fa ny fahasoavan'Andriamanitra no niara-niasa tamiko. 11 Koa na izaho na ry zareo, dia araka izany no fitorinay, ary araka izany koa no ninoanareo.Ny Hafatry ny Filazantsara
1-Kristy maty noho ny fahotantsika
Fantantsika fa fahafatesana no tambin’ny ota ary tsy misy famonjena raha tsy misy rà latsaka .Kristy no avotra nisolo ny heloky ny mpanota . Nandatsaka ny rany teo amin’ny hazo fijaliana Izy ary nahafoy ny ainy mariky ny fitiavany antsika.
2-Nitsangana tamin’ny andro fahatelo i Kristy
Efa nilaza i Jesoa fa « ny Zanak’olona efa natolotra ho eo an-tànan’olona ka hovonoiny , nefa amin’ny andro fahatelo dia hatsangana indray Izy » (Mat 17.23). Nampahatsiaro io tenin’i Jesoa io ny anjely rehefa nitsangana Izy. »Tsy ato Izy , fa efa nitsangana » .Tsarovy ny teny izay nataony taminareo , fony Izy mbola tany Galilia (Lio 24.6) . Mahagaga fa mora manadino ny mpianatry ny Tompo . Matetika no tsikaritra io fanadinoana io.
3-Ny mpino dia vavolombelon’Ilay nitsangana
Maro ireo voaraikitry ny tantara fa vavolombelon’Ilay nitsangana .Fahasoavana miavaka ny fiatrehana vanimpotoana tsy manam-paharoa toy izany .Taorian’ny nitsanganan’ny Tompo tamin’ny maty àry dia ireto no santionan’ireo olona nahita mivantana Azy . Isan’izany i Kefasy , ny roa ambininfolo lahy , ireo rahalahy izay miasa dimanjato mahery , ry Jakoba ary i Paoly Apostoly ihany koa dia isan’ny nisehoany, vavolombelon’ny Tompo isika .
Fanontaniana:
Iza avy ireo vavolombelon’Ilay nitsangana voalaza ao amin’ny 1 Kor 15.5-8 ?
Sampana Sekoly Alahady FOIBE FJKM