Sahia mitory ny fahamarinana
Mofonaina anio: Talata, faha 10 Jolay 2018
Sahia mitory ny fahamarinana
Jeremia 9.22-23
22 [Ny amin'ny tsi-fahatokian-tena, sy ny fahatokiana an'Andriamanitra, Izay mitsara marina] Izao no lazain'i Jehovah: Aoka ny hendry tsy hirehareha amin'ny fahendreny, ary aoka ny mahery tsy hirehareha amin'ny heriny, ary aoka ny manan-karena tsy hirehareha amin'ny hareny; 23 Fa izay te-hirehareha dia aoka hirehareha amin'izao: Dia ny fahendreny sy ny fahalalany Ahy ho Jehovah, Izay manao famindram-po sy fitsarana marina ary fahamarinana et? ambonin'ny tany; fa izany no sitrako, hoy Jehovah.Sahia mitory ny fahamarinana
Jeremia 9.22-23
Antson’ny fahamarinana
1-Aza matoky ny zava-misy eto an-tany
Manao antso avo eto ny Tompo. Antso mitaona ny olona tsy hiantehitra amin’ny herin’ny maha-olona azy. Tsy azo itokisana ny zavatra ananana eo amin’ny fiainana : ny fahendren’olombelona, ny hery, ny harena. Mora miova ny olombelona. Ny fahendrena tsy miorina amin’Andriamanitra dia mamitaka. Eny, ny heriny sy fananany dia tsy maharitra. Miovaova ny zavatra rehetra ka tsy azo itokiana. Antsom-pitiavana no ataon’ny Tompo aminao. Aza mirehareha amin’ny zava-misy eo amin’ny fiainanao. Mazava ny voasoratra ao hoe: « voaozona izay olona matoky olona sy manao ny nofo ho sandriny, ka miala amin’i Jehovah ny fony » (Jer. 17.5)
2-Matokia an’ Andriamanitra
Andriamanitra no tsy miova. Izy irery ihany no azo antoka eo amin’ny fiainana. Ny fahalalantsika an’Andriamanitra sy ny fanekentsika hifamatotra fiainana Aminy irery ihany no mahalavorary ny fiainantsika. Raha Andriamanitra tokoa no itokiana eo amin’ny fiainana dia misitraka ny famindrampony ny mpino, ary na toa inona na toa inona toe-javatra atrehina eo amin’ny fiainana dia marina Izy ka tsy mamela ny olona mino Azy ho irery. miantso antsika araka izany ny Tompo. Raha te-haneho ianao fa manana izay ho reharehanao sy itokianao dia ambarao ny manodidina anao fa Andriamanitra irery ihany no manana ny famonjena azo antoka ho anao, miasa ho fiainanao.
Fanontaniana:
Birao Sekoly Alahady FOIBE FJKM