Hafatry ny Filoha /Jolay 2022
VONTOSY FILAZANTSARA
NY NOSY MADAGASIKARA !
Rehefa injay ianao manaiky
Hino marina ny Tompo
Ka hiova tompo anio,
ka i Jesoa no tena Tompo
manapaka ny fiainanao,
fa tsy hoe ny vola intsony,
Izay imatesan’ny olo-maro
iankohofana isan’andro
ka tsy mampaninona azy
na voahosy am-paladia
aza izany hoe fahamarinana,
ka tsy mampaninoa azy
na dia sanatrian’ny vava
hisy aza aina afoy;
fa ny vola, vola ihany,
vola foana, vola hatrany
no hany masaka ao am-pony
tompo tokana tompoiny.
Ianao kosa, niova tompo
Raha nandray an’i Jesoa.
Ary ianao no miaramilan’
Fandrosoana tena izy
Ilain’i Madagasikara.
Ianao no afaka hahatontosa
Izao vina mamintsika izao:
VONTOSY FILAZANTSARA
NY NOSY MADAGASIKARA !
IRAKO AMMI